କ୍ଷୀର ଗଜା - ଆସନ୍ତୁ ତିଆରି କରି ଶିଖିବା

କ୍ଷୀର ଗଜା ।

ଆବଶ୍ୟକ ସାମଗ୍ରୀ :

୧ କପ୍ କ୍ଷୀର ଛେନା 

ଅଧାକପ୍ ଖୁଆ 

୧ କପ୍ ମଇଦା  

୧ ଛୋଟ ଚାମଚ ମିଠା ସୋଡ଼ା 

୧ କପ ଚିନି 

୨ କପ୍ ପାଣି  

୧ ଛୋଟ ଚାମଚ ଗୁଜୁରାତି ଗୁଣ୍ଡ 

 ୧ ବଡ଼ ଚାମଚ ଘିଅ  

୫ଟି ଗୁଜୁରାତି ଏବଂ ଛାଣିବା ଲାଗି ରିଫାଇନ୍ ତେଲ

ପ୍ରସ୍ତୁତି ପ୍ରଣାଳୀ : ଗୋଟିଏ ବଡ଼ ଥାଳିରେ ଛେନା ଓ ଖୁଆକୁ ହାତ ପାପୁଲି ସାହାଯ୍ୟରେ ଘଷି ଚିକ୍କଣ କରନ୍ତୁ । ମିଶ୍ରଣରେ ମଇଦାକୁ ଧୀରେଧୀରେ ମିଶାନ୍ତୁ । ଏହି ମିଶ୍ରଣରେ ଗୁଜୁରାତି ଗୁଣ୍ଡ , ଘିଅ ଓ ମିଠା ସୋଡ଼ା ମିଶାଇ ଚକଟି ରଖନ୍ତୁ । ଚକଟା ମିଶ୍ରଣକୁ ଆୟତାକାର ସାଇଜର କରି କାଟି ରଖନ୍ତୁ । ଅନ୍ୟ ଗୋଟିଏ ବଡ଼ ସସପେନରେ ଚିନି ଓ ପାଣି ଦେଇ ସିରା ପ୍ରସ୍ତୁତ କରନ୍ତୁ । ସିରାରେ ଗୁଜୁରାତିକୁ ଗୁଣ୍ଡ କରି ପକାନ୍ତୁ । କଡ଼େଇରେ ତେଲ ଗରମ କରି କ୍ଷୀର ଗଜାକୁ ଛାଣି ଚିନି ସିରାରେ ପକାନ୍ତୁ । ଅଧଘଣ୍ଟାରୁ ୧ ଘଣ୍ଟା ଯାଏ ଛଣା ଗଜାକୁ ସିରାରେ ପକାଇ ରଖନ୍ତୁ । ପରେ ସିରାରୁ କାଢ଼ି ଖାଇବାକୁ ଦିଅନ୍ତୁ ।